Набрзо по отказот на Чаби Алонсо, на социјалните мрежи се појави видео кое, според дел од јавноста, открива дека шпанскиот стратег немал целосна контрола над соблекувалната на Реал Мадрид.

Станува збор за сцена по синоќешното финале од Суперкупот на Шпанија во Џеда, во кое „кралевите“ беа поразени од Барселона со 3-2. По последниот судиски свиреж, фудбалерите на Реал одбија да го испочитуваат традиционалниот протокол и да направат почесен шпалир за новиот освојувач на трофејот.

На видео снимката јасно се забележува како Алонсо ги повикува играчите и се обидува да ги организира за шпалирот, но во тој момент Килијан Мбапе се вмешува, ги сопира соиграчите и им сигнализира дека треба веднаш да го напуштат теренот.

Според медиумите, овој момент дополнително ја поткрепува тезата дека Алонсо немал вистински авторитет во тимот, додека Мбапе сè повеќе се наметнувал како доминантна фигура и лидер во соблекувалната.

This video sums up how Mbappe has poisoned Madrid. Alonso calls his players to form a guard of honor for Barca. Mbappe overrules him and tells players to stop. Xabi Alonso has zero power in the dressing room.
pic.twitter.com/gJHH6ckgSo

— Barça Touchline (@BarcaTouchline) January 12, 2026

Oфицијално: Чаби Алонсо веќе не е тренер на Реал Мадрид