Градоначалникот на Скопје Орце Ѓорѓиевски информираше дека денеска започна целосната обнова на фонтаната „Лотос“, сместена во Градскиот парк.

„Започнавме со целосна реконструкција на фонтаната „Лотос“, сместена на влезот од Градскиот парк, место што со децении претставува препознатлив белег и гордост на Скопје, но и место кое долги години беше запуштено. Ова култно катче, еден од најистакнатите и најпрепознатливи симболи на градот, повторно ќе стане место на средби, прошетки и споделени моменти, ќе биде простор каде генерации скопјани ќе се собираат, ќе создаваат спомени и ќе уживаат во убавината на јавниот простор“, соопшти Ѓорѓиевски.

Тој додаде дека паралелно со фонтаната, се уредува и плоштадот околу неа, каде ќе се поставува нова урбана опрема и современо осветлување.