ВИДЕО | Саркози уловен како ужива на плажа на Карибите, како ја напуштил Франција кога е под судски надзор?
Во последните часови, веста дека Никола Саркози, осуден на 5 години затвор и под судски надзор, е на семеен одмор на егзотичниот француски остров Гваделуп на Карибите, предизвика возбуда во Франција, пренесува Миди либр.
Препорачано
На фотографиите што излегоа на виделина Саркози џогира на плажата во Бур де Сент-Ан (без алка за надзор, како што е вообичаено за домашен притвор) и ужива во пливањето во морето со Карла Бруни, според ново видео кое сега широко кружи на интернет.
View this post on Instagram
🇫🇷🇬🇵 Nicolas Sarkozy et Carla Bruni ont été aperçus dans un Beach Club en Guadeloupe.pic.twitter.com/Vs0NFU03Sw
— AlertesInfos (@AlertesInfos) December 21, 2025
На видеото се гледа како поранешниот претседател на Франција и неговата сопруга се релаксираат во луксузен клуб на плажа, облечени во костими за капење.
Како ја напуштил Франција?
Поранешниот француски претседател наводно добил посебна дозвола да го напушти не само својот дом, туку и земјата и пристигнал во Гваделуп на 19 декември, заедно со сопругата Карла Бруни, нивната ќерка Јулија и неговиот телохранител.
Според француските медиуми, во член 138 од Законот за кривична постапка се наведени обврските за судски надзор, вклучувајќи ја и обврската да не се напуштат територијалните граници утврдени од судијата.
Сепак, судијата може да ги измени наметнатите обврски, да ги укине или да одобри повремено или привремено ослободување од почитување на одредени обврски, како што е наведено во член 141-1 од истиот законик.
Со други зборови, ако судијата првично изрече забрана за напуштање на Франција или на даден регион, истиот судија може по исклучок да одобри отстапување, на пример за патување или одмори, по образложено барање.
