Поранешниот претседателски кандидат на Ел Салвадор, Норман Кихано, кој беше осуден на 13 години затвор за поткуп на банди, вчера пристигна во централноамериканската земја за да започне со издржување на казната откако беше екстрадиран од американските власти, соопштија обвинителите, пренесуваат локалните медиуми.

Норман Кихано, 79, беше осуден во отсуство во април 2024 година на судење по обвинението дека дал 100.000 долари на банди за купување на гласови.

Во тоа време, градоначалник на главниот град Сан Салвадор, тој неуспешно се кандидираше на претседателските избори во 2014 година како дел од Демократската националистичка алијанса (АРЕНА). Подоцна стана претседател на Конгресот.

Откако го изгуби својот правен имунитет во 2021 година, судството го обвини дека платил 50.000 долари на бандата Мара Салватруча (MS-13) и 25.000 долари на секоја од двете фракции на Барио 18. Двете банди се прогласени за „терористички“ организации од страна на сегашната влада на САД.

Според извештаите во печатот, Кихано е уапсен во март 2025 година во САД, каде што избегал.

Este día, hemos recibido a Norman Quijano por parte de las autoridades de Estados Unidos. En este momento, se le notificará formalmente su condena por los delitos de agrupaciones ilícitas y fraude electoral.

El 3 de noviembre de 2021, la @FGR_SV solicitó a la Asamblea… pic.twitter.com/HnYg6xx754

— Fiscalía General de la República El Salvador (@FGR_SV) January 27, 2026

Обвинителството вчера објави видео на Икс на кое се гледа како е придружуван од американски агенти додека е пренесен со авион во Ел Салвадор, а потоа врзан со лисици за полициско возило, откако му е врачено известувањето за неговата пресуда.

Ова е „порака до сите оние кои се обидуваат да избегаат од правдата“, рече претседателот Наиб Букеле преку Икс, осврнувајќи се на човекот кој, како претседател на Конгресот во тоа време, му ја врачи претседателската лента во 2019 година.

Исто така, имаше обвинувања за наводни договори со банди склучени од членови на владата на Букеле – и во негово име – но шефот на државата категорично ги негира.

Од март 2022 година, претседателот Наиб Букеле води „војна“ против бандите, прогласувајќи вонредна состојба, која дозволува апсења без налози. Според официјалните податоци, оттогаш се уапсени повеќе од 90.000 луѓе, од кои 8.000 се ослободени откако е утврдена нивната невиност.

Оваа „војна“ го намали криминалот на историски најниско ниво во земјата, но многумина пријавуваат произволни апсења и тортура во затворите, меѓу другите кршења на човековите права. Според организацијата за човекови права Сокоро Јуридико Хуманитарио, најмалку 470 луѓе починале во затворите откако е воведена вонредната состојба.