ВИДЕО | Русија изврши масовен напад со 200 дронови врз Одеса – повредени се 18 луѓе, оштетени се згради
Меѓу повредените во Одеса има и 17-годишно момче, а двајца се на интензивна нега во критична состојба, изјави шефот на локалната воена администрација, Серхи Лисак.
Руски дронови ноќеска го нападнаа јужниот украински град Одеса, по вторпат оваа недела, при што се повредени најмалку 18 луѓе и оштетени се згради, објави „Ројтерс“.
Препорачано
Нападите предизвикаа најголема штета во централниот округ Приморски, каде што се оштетени повеќекатници и петкатни станбени згради, изјави шефот на локалната воена администрација, Серхи Лисак.
Нападите предизвикаа големи пожари на горните катови и на покривот на една од зградите, кои во меѓувреме се локализирани, објави Лисак на „Телеграм“.
At least 18 people injured in a Russian strike on Odesa. Some are currently in intensive care in serious condition.
Russia continues to terrorize Ukraine’s civilian population.
Russia attacked residential areas and civilian infrastructure in the city. A kindergarten building… pic.twitter.com/XOMpHh0nP3
— Anton Gerashchenko (@Gerashchenko_en) April 30, 2026
Службите за итни случаи соопштија дека бројот на повредени сè уште може да се промени додека траат операциите на терен. Одеса, како главно пристаниште на Црното Море и клучна точка за украинскиот извоз, е честа мета на руските напади во текот на повеќе од четиригодишната војна. Претходно, во нападот завчера беа повредени 14 луѓе.
Russian kamikaze drones heavily attacked the railway area in Odesa city about 30 mins ago.
A wide area was struck by up to 25 drones. pic.twitter.com/XBLhkh5AYm
— kim høvik (@kimhvik2) April 29, 2026
Украинските воздухопловни сили соопштија дека Русија истрелала една балистичка ракета и 206 беспилотни летала кон земјата од вчера попладне, од кои 172 дронови биле соборени или неутрализирани. Една ракета и 32 дрона погодиле 22 различни локации, се додава во извештајот.
Лисак информираше дека меѓу повредените има и 17-годишно момче, а двајца луѓе се на интензивна нега во критична состојба. Тој додаде дека зграда на градинка е значително оштетена, а пријавени се штети и во трговски центар, хотел и во административни простории.
Руски дронови удрија врз Одеската област, оштетена е трафостаница
На фотографиите, објавени од локалните власти, се гледаат пожари во станбени блокови и густ чад што се издига над градот. Дополнително, десетици автобуси и автомобили биле уништени или оштетени на неколку паркинзи.
Во друг дел од градот, забележани се удари врз инфраструктурни објекти, магацини и гаражни простории.
Вниманието на САД кон Блискиот Исток го намалува притисокот врз Русија, тврди Зеленски
