Русија во текот на ноќта ја нападна Одеската област со дронови, а како последица на ударот, има оштетувања на територијата на објект од критичната инфраструктура, пренесе „Суспилне Одеса“.

Нема повредени ниту загинати. Во тек се работи на отстранување на последиците, наведоа од Обласната воена администрација.

Според независни информации, во нападот е оштетена трафостаница.

Во текот на ноќта во Одеската област неколкупати била прогласувана воздушна тревога.

Русија и Украина продолжуваат со војната и покрај помирливите тонови по прогласувањето на дводневно примирје помеѓу Америка и Иран.

Како реагира светот на примирјето помеѓу Иран и Америка?

Русија и Украина речиси секојдневно разменуваат извештаи од почетокот на конфликтот на 24 февруари 2022 година, тврдејќи дека напредуваат или дека ги одбиваат нападите на другата страна. Овие извештаи не се независно потврдени поради тоа што војната сè уште трае.

Најмалку тројца, меѓу кои и едно дете, загинаа во руски напад пред неколку дена врз јужниот украински град Одеса.

Одеса е црноморски пристанишен град со население од приближно еден милион жители и честопати е цел на руски напади како и пошироката Одеска област.

Масовен руски напад со дронови врз Одеса, делови од градот останаа без електрична енергија