Русија вчеравечер започна бран напади со дронови и со ракети низ Украина, при што загинаа најмалку 15 луѓе, а најмалку 90 луѓе беа повредени, објави „Би-би-си“.

Меѓу четирите жртви во главниот град Киев  е и 12-годишно момче, додека, пак, тројца загинаа во Днипро на југоистокот.

Од другата страна на границата, две деца, на возраст од пет и од 14 години, загинаа во украински напад со дрон во рускиот регион Краснодарски крај, изјави гувернерот Венијамин Кондратјев на Телеграм.

Нападите следуваат по кратко примирје за време на православниот Велигденски викенд, за кое двете страни меѓусебно се обвинуваа за стотици прекршувања.

Градоначалникот на Киев, Виталиј Кличко, напиша дека, покрај жртвите во главниот град, спасувачите извлекле мајка и дете од урнатините на 16-катна станбена зграда што се урнала во централниот дел на градот, во населбата Подил.

Во северниот дел на Киев, четворица итни медицински работници се меѓу повредените поради повторени гранатирања.

#WATCH | Russian missile and drone strikes hit #Kyiv and other Ukrainian cities, killing at least 13 people, including a child, and causing widespread damage.#Russia #Ukraine pic.twitter.com/AqKWVpm0xw

— The Federal (@TheFederal_News) April 16, 2026

Во нападот врз централниот град Днипро, тројца загинаа, а десетици се повредени, соопшти Олександр Ганжа, шеф на регионалната администрација. Фотографии објавени на интернет покажуваат запалени објекти во градот.

На други места, ракетни и дронски напади врз јужниот пристанишен град Одеса одзедоа осум животи, соопшти шефот на воената администрација на градот, Сергиј Лисак.

Во Харков, пак, напад со дрон повредил 77-годишна жена и 66-годишен маж, изјави официјален претставник.

„Ваквите напади не смеат да станат нормални. Ова се воени злосторства кои мора да престанат, а одговорните да сносат одговорност,“ изјави министерот за надворешни работи на Украина, Андриј Сибиха.

Тој ги повика другите земји „итно да преземат мерки“ преку воведување санкции против Русија или обезбедување нови пакети помош за Украина.

„Сите одлуки потребни за зголемување на притисокот врз агресорот мора веднаш да се деблокираат“, напиша Сибиха на „Икс“.

Загинаа шест луѓе, меѓу нив и осумгодишно момче, оштетени се згради во Черкаската Област: Русија изврши масовен напад со дронови врз Украина

Војната во Украина веќе влегува во својата петта година, а досега имаше неколку рунди мировни преговори, при што посредник беа САД.

Сепак, процесот е во застој откако претседателот Доналд Трамп го пренасочи својот фокус кон конфликтот на Блискиот Исток.

Украина постојано предлага целосно и стабилно примирје како прв чекор кон преговори за трајно завршување на руската инвазија.

Но, Москва инсистира првин да се договори мировен договор, што предизвикува обвинувања од Киев дека Русија не е сериозна во намерата да го прекине конфликтот.

Додека Украина останува без системот „Патриот“, Венс без двоумење ја брани одлуката за стопирање на помошта за Киев