Додека Украина останува без системот „Патриот“, Венс без двоумење ја брани одлуката за стопирање на помошта за Киев
Украина во моментов се соочува со критичен недостиг на противвоздушни ракети „Патриот“, а ситуацијата е најлоша можна, изјави украинскиот претседател Володимир Зеленски. Во исто време, американскиот потпретседател Џеј Ди Венс го нарече прекинот на воената помош за Киев едно од „најгордите“ достигнувања на администрацијата на Трамп, пренесува „Еуроњуз“.
Препорачано
Зеленски: Недостатокот е најлошо нешто што може да се случи
За време на посетата на Германија, Зеленски во интервју за националниот радиодифузер ЗДФ изјави дека ситуацијата со ракетите „Патриот“ е алармантна.
„Недостатокототкот на ракети е најлошото што може да се случи“, рече тој.
Украинскиот претседател, исто така, призна дека војната на Блискиот Исток влијае на Украина со намалување на шансите на Киев да добие воена помош.
Ракетите „Патриот“, кои се произведуваат исклучиво во Соединетите Држави, се клучни за Украина. Во оваа фаза од војната, тие се убедливо најдобрата одбрана што ја има Украина од руските балистички ракети.
Киев работи на сопствена воздушна одбрана
Затоа Киев се обидува да развие сопствена, домашна антибалистичка воздушна одбрана. Украинскиот производител на оружје „Фајер Поинт“ неодамна објави дека работи на свој систем, со цел да го има готово до следната година. Компанијата бара соработка со европски партнери во областите на радарот, насочувањето и комуникациите.
Потпретседателот на САД: Горд сум што ја прекинавме помошта
Во меѓувреме зборувајќи на настанот во Атланта, потпретседателот на САД, Џеј Ди Венс, рече дека е горд што Вашингтон го прекина финансирањето за Украина.
JD Vance says stopping the funding for Ukraine is one of the things he’s most proud of
Absolutely despicable pic.twitter.com/NUXbFyb1fx
— Vatnik Soup (@P_Kallioniemi) April 15, 2026
„Очигледно, сè уште верувам во тоа и тоа е едно од нештата на кои сум најгорд во оваа администрација. Ѝ кажавме на Европа дека ако сакаат да купат оружје, можат, но САД повеќе не купуваат оружје и не го испраќаат во Украина“, рече Венс.
Потпретседателот на САД е меѓу најгласните критичари на помошта за Украина во рамките на администрацијата на Трамп.
