Фудбалерите на Реал Мадрид денеска одиграа само 1:1 дома против Жирона, на отворањето од 31 коло од најсилното шпанско првенство.

Екипата на Алваро Арбелоа, по непријатниот пораз од Мајорка на гости (2:1), забележа уште еден кикс. Во меѓувреме, загубија и од Баерн во првиот натпревар од четвртфиналето на Лигата на шампионите (2:1).

Реал Мадрид е втор на табелата со 70 бода, што е шест помалку од лидерот Барселона, која го игра градското дерби со Еспањол во сабота.

Федерико Валверде им донесе водство на домашните во 51 минута, а израмнувањето се случи во 62 минута од средбата преку Томас Лемар.

Реал притисна во финишот, Килијан Мбапе исто така побара пенал во една ситуација, но немаше промена на резултатот. Жирона е на 12 позиција со 38 бодови.