Екипата на Реал Мадрид без поголеми проблеми со 4-1 славеше победа во рамките од 24. коло против Реал Сосиедад и така се искачија на врвот на табелата, но со натпревар повеќе од Барселона.

„Кралевите“ експресно го отворија натпреварот и уште во петтата минута Гонзало Гарсија донесе рано водство за домаќините. Сепак, баскискиот состав возврати во 21. минута, кога Ојарсабал беше сигурен од белата точка и го израмни резултатот.

Но радоста на гостите траеше кратко. Само четири минути подоцна судијата повторно покажа на пенал, овојпат за Реал. Одговорноста ја презеде Винисиус и без грешка го врати водството. До паузата, Федерико Валверде со прецизен удар во 31. минута зголеми на 3-1 и практично ја најави победата.

Во второто полуврем видовме уште еден пенал за „кралскиот клуб“. Повторно Винисиус беше сигурен реализатор, поставувајќи ги конечните 4-1 и ставајќи точка на натпреварот.

Со новите три бода, Реал е лидер со 60 освоени бода, два повеќе од Барселона, која утре ѝ гостува на Жирона.