Реал Мадрид ја запиша првата победа на Светското клупско првенство што се одржува во САД, откако со 3-1 ја совлада мексиканската Пачука, иако уште од седмата минута играше со фудбалер помалку.

Дефанзивецот Асенсио заработи директен црвен картон поради остар старт со кој спречи стопроцентна шанса за Пачука, но тоа не ги спречи „кралевите“ да одиграат одличеннатпревар. Избраниците на Чаби Алонсо уште во првиот дел поведоа со 2-0 благодарение на погодоците на Џуд Белингам и Арда Ѓулер.

Во второто полувреме, Феде Валверде ја зголеми предноста на 3-0, а Пачука успеа само да намали преку Монтиел, кој стрелаше десетина минути пред последниот свиреж.

Ова е прв триумф за шпанскиот гигант на турнирот, откако во воведниот меч одиграа 2-2 со Ал Хилал. Реал сега ќе ги насочи силите кон последниот дуел од групната фаза против австрискиот Салцбург, во обид да обезбеди пласман во елиминациите.