Реал Мадрид вечерва славеше победа над Еспањол од 2-0 и така не дозволи Барселона уште вечерва да ја слави титулата.

По првото полувреме без погодоци, „кралевите“ ја презедоа контролата во продолжението. Главна фигура беше Винисиус Жуниор, кој со два гола во 55. и 66. минута го реши прашањето за победникот.

Со освоените три бода, Реал останува на втората позиција со 77 бодови, додека Барселона е на врвот со 88. Расплетот во битката за титулата би можел да следи веќе во наредното коло, кога на програмата е големото дерби Ел Класико закажано за 10 мај.