ВИДЕО: „Ракетите“ ги започнаа подготовките, Харден ужива во стриптиз клуб
Џејмс Харден очигледно е решен по секоја цена да си замине од Хјустон рокетс.
По завршувањето на сезоната, еден од најдобрите играчи во НБА лигата, Џејмс Харден побара од Хјустон рокетс да го размени бидејќи сака да се бори за титулата, но неговата желба не му беше исполнета.
Харден остана во Хјустон, а од тимот си замина втората голема ѕвезда, Расел Вестбрук, кој е разменет во Вашингтон во замена за Џон Вол.
Поради тоа, во знак на револт, популарната „брада“, не се појави на стартот на подготовките за новата сезона кои започнаа на 30. ноември, по што новиот тренер Стивен Сајлас најави дека ќе се појави во текот на вчерашниот ден, но и тоа не се случи.
Looks like James Harden was at the strip club last night
(IG: ced_1m | h/t @alec_sturm )
— NBA Central (@TheNBACentral) December 6, 2020
Официјалната причина за отсуството на Харден е коронавирусот иако речиси на сите им е јасно дека не сака да игра повеќе во Хјустон. Како доказ, медиумите во САД објавија видео на кое се гледа како Харден се расфрла со пари во стриптиз клуб за време на роденденот на раперот Лил Бејбиа додека соиграчите го чекаат да се појави на тренинзите.
Уште еден доказ дека „брадата“ сака да си замине и одбивањето на новиот двегодишен договор вреден 103 милиони долари и како следна дестинација се споменува Бруклин нетс каде би играл со Кевин Дурант, но тешко дека таа размена ќе се реализиран. Од Бруклин не сакаат да се откажат од втората ѕвезда Кајри Ирвинг кого Хјустон го бара во замена за Харден.
