Неколку ракети го погодија Ербил, главниот град на автономниот курдски регион Ирак, соопштија курдските власти, додавајќи дека засега нема потврдени жртви.

Американски официјален претставник изјави дека нема жртви на американската војска во нападот, пишува Ројтерс.

Американските сили стационирани на меѓународниот аеродром во Ербил и претходно беа цел на ракетни напади, за кои американските власти ги обвинија проиранските милициски групи, но такви напади не беа пријавени во последните месеци.

RUMINT that Fateh-110 ballistic missiles were utilized to hit U.S. targets in Erbil, Iraq. Footage is circulating of missiles reportedly over Iran. pic.twitter.com/PIHX1qukJH

— Global: MilitaryInfo (@Global_Mil_Info) March 12, 2022

Курдските власти не кажаа каде се случил инцидентот во саботата, а портпаролот на регионалната влада изјави дека немало прекини на летовите на аеродромот.