Францускиот фудбалски шампион ПСЖ ја заврши својата претсезонска турнеја во Јапонија со уште една, вкупно трета победа.

Откако во првиот меч ги совлада Кавасаки Фронтале (2:1), а потоа и Урава Редс (3:0), ПСЖ победи и против Гамба Осака со 6:2.

Головите за парижаните ги постигнаа Пабло Сарабија (28`), Нејмар (32` пенал, 59`), Нуно Мендеш (37`), Лионел Меси (39`) и Килијан Мбапе (86`, пенал), додека стрелците за јапонскиот тим беа Кеисуке Курокава (34`) и Хирото Јамами (70`).

Нејмар можеби го изведе најлошото симулирање во кариерата, но повторно успева некако да ги измами судиите и во овој случај покажат на белата точка.

ПСЖ веднаш по натпреварот ја напушти Јапонија, а следниот натпревар ќе го има во недела во Тел Авив против Нант во битката за францускиот „Трофеј на шампиони“, еквивалент на Суперкупот во другите земји.

Neymar even dives in friendliespic.twitter.com/FLFbmTC2oc

— Troll Football (@TrollFootball) July 25, 2022