ВИДЕО: Нереален потег на Мбапе на дуелот против Урава Редс
Фудбалерите на ПСЖ веќе извесно време се подготвуваат во Јапонија, а во сабота одиграа нов подготвителен натпревар.
Препорачано
Парижаните играа против Урава Редс и по првото полувреме водеа со 2:0 и јасно беше дека јапонскиот клуб тешко ќе го избегне поразот.
ПСЖ поведе во 16 минута на асистенција на Икарди, а Сарабија го постигна голот за 1:0. Но, моментот кој го одбележа првото полувреме се случи во 35 минута, а во центарот на вниманието беше неверојатниот Килијан Мбапе.
Мбапе со одличен дриблинг се ослободи од еден противнички играч на Урава, а потоа од прилично тешка позиција успеа да ја забие топката во мрежата на јапонскиот клуб за 2:0. Мајсторијата на Мбапе можете да ја погледнете во видеото подолу.
Францускиот првак триумфираше на крајот со конечни 3:0, третиот погодок беше дело на Калимуендо во 76 минута по асистенцијата на Мендеш.
Mbappe gotta chill, he is so clutch in from tight angles, what a goal. pic.twitter.com/GNsEnnYRLT
— Galu (@PSGalu) July 23, 2022
