Јорданскиот крал Абдула Втори и кралицата Ранија ја добија својата прва внука. Сопругата на нивниот син Хусеин, принцезата Раџва, во саботата го родила нивното прво дете.  Нивната ќерка ја нарекле Иман.

Официјалниот инстаграм-профил на кралското семејство објави видео од Хусеин од Јордан како го држи новороденчето, додека песната „You Are My Sunshine“ свири во позадина.

Малата Иман го носи името на тетката, односно ќерката на кралот и кралицата на Јордан. Додека нејзиниот татко е престолонаследник, малата Иман нема да биде вклучена во редот на наследството бидејќи е женско. Според Уставот на земјата, тронот е наследен според династијата на кралот Абдула Ибн Ал-Хусеин и минува низ машки пол.

Да потсетиме, Хусеин и Раџва се венчаа во јуни минатата година. На церемонијата присуствуваа гости од целиот свет, меѓу кои и принцот Вилијам и принцезата Кејт. Кралското семејство пролетта објави дека принцезата е бремена.

ФОТО | Вилијам и Кејт ќе присуствуваат на свадбата на принцот од Јордан