ФОТО | Вилијам и Кејт ќе присуствуваат на свадбата на принцот од Јордан
Принцот Вилијам заедно со својата сопруга, принцезата Кејт денеска пристигнаа во ненајавена посета на Јордан, по повод венчавката на младиот престолонаследник на Јордан, пишува „Дејли мејл“.
Имено, Вилијам и Кејт им се придружија на мноштвото странски гости кои ќе присуствуваат на кралската свадба на принцот Хусеин (28) и саудиската архитектка Раџва Алсеиф (29).
Тие се забележани во луксузен хотел во Аман пред денешната кралска венчавка во Јордан. Принцот Вилијам се очекуваше да биде таму, но не беше познато дали и неговата сопруга Кејт ќе присуствува. Тие случајно беа снимени како шетаат низ барот на хотел со пет ѕвезди.
Инаку, престолонаследникот Хусеин ќе се ожени со својата избраничка Раџва во палатата „Захран“, истото место каде се одржаа свадбите на неговиот татко, кралот Абдула Втори и неговиот покоен дедо.
Меѓу останатите познати гости се и првата дама на САД, Џил Бајден, како и неколку членови на кралските семејства од целиот свет, вклучително и кралот и кралицата на Холандија.
Овој четврток е прогласен за национален празник, проследен со славенички прослави организирани низ цел Јордан, за да им се овозможи на граѓаните да се дел од овој голем настан.