Поранешен канадски олимписки сноубордер, кого властите го бараат за водење мултинационална мрежа за трговија со дрога, се соочува со дополнителни обвиненија во врска со убиството на федерален сведок, изјави во среда американската државна обвинителка Пам Бонди.

Рајан Џејмс Вединг е обвинет, меѓу другото, за заговор за убиство на сведокот во Колумбија во јануари за да избегне екстрадиција во Соединетите Држави, пренесува Фокс11.

The US Department of State offers a reward of up to $15 million for info leading to the arrest &/or conviction of #FBI Ten Most Wanted Fugitive Ryan James Wedding, wanted for allegedly running & participating in a transnational drug trafficking operation: https://t.co/YyLpIU4Nmi pic.twitter.com/3DdiopiL9W

— FBI Most Wanted (@FBIMostWanted) November 19, 2025

Десет други обвинети веќе се уапсени во истиот случај.

Награда од 15 милиони долари

Властите сега нудат до 15 милиони долари за информации што ќе доведат до апсење на Вединг, кој е на листата на ФБИ за 10 најбарани лица. Се верува дека живее во Мексико под заштита на картелот Синалоа, со кој властите велат дека тесно соработува за шверцување огромни количини дрога во Канада и САД.

„Без разлика дали сте дилер на дрога на улично ниво или меѓународен нарко-бос, ние доаѓаме по вас“, им рече Боди на новинарите. „Ќе ве најдеме и ќе бидете повикани на одговорност и ќе бидете изведени пред лицето на правдата за вашите злосторства“.

Pam Bondi, fiscal general de EE. UU., informó en conferencia de prensa: “Hoy, el Departamento de Justicia se enorgullece de anunciar nuevos avances en nuestra investigación en curso sobre Ryan James Wedding. Wedding es un exatleta olímpico canadiense que ahora es el líder de una… pic.twitter.com/5sdFzUx4YQ

— NMás (@nmas) November 19, 2025

Вединг, познат во подземјето под разни прекари како што се „Ел Хефе“ или „Шефот“, беше обвинет во 2024 година за водење на нарко-ланец кој шверцувал околу 60 тони кокаин годишно, користејќи камиони за превоз на долги релации за транспорт на дрогата помеѓу Колумбија, Мексико, Јужна Калифорнија и Канада.

Властите велат дека Вединг и неговите соучесници користеле канадска веб-страница наречена „Валкани вести“ за да објават фотографија од сведокот за да може да биде идентификуван и убиен. Сведокот потоа бил пронајден во ресторан во Меделин, главниот град на Колумбија, во јануари и бил застрелан во главата.

„Вединг понудил награда за жртвата и погрешно верувал дека смртта на жртвата ќе резултира со отфрлање на кривичните обвиненија против него и неговиот меѓународен ланец за трговија со дрога, а дополнително ќе обезбеди дека нема да биде екстрадиран во Соединетите Држави. Тој грешел“, рече Бил Есили, врвен федерален обвинител за Централниот округ на Калифорнија.

Се забележува дека американската влада нуди и награди до 2 милиони долари за оние вклучени во убиството на сведокот.