Јужна Србија денес се соочува со нов бран поплави, предизвикан од циклон кој донесе десетици литри дожд на квадратен метар. Според метеоролозите од „Хаилц Србија“, серија циклони во изминатиот месец веќе предизвикале голема количина врнежи во овој регион, а сегашниот само ја влоши состојбата.

Најпогодена е територијата на Лесковац, каде што обилните врнежи предизвикаа излевање на дел од локалните водотеци. Центарот на циклонот моментално се наоѓа западно од Србија, но зоната на врнежи, според прогнозите, ќе се регенерира до крајот на денот и повторно ќе го зафати истиот појас што беше погоден претходната ноќ и претпладне.

Во изолирани и најдождливи подрачја, количината на акумулиран дожд може да достигне и до 100 литри на квадратен метар, соопшти Инстаграм профилот „hailz_srbija“.

Како и на почетокот на минатиот месец, кога беше забележана рекордно ниска снежна покривка за октомври, така и ноември започна со снег на Копаоник. Метеоролошките најави предупредуваат дека во наредниот период се можни снежни врнежи и на други планински подрачја, но почетокот на скијачката сезона во српските центри официјално ќе стартува дури на 4 декември.

 

View this post on Instagram

 

A post shared by 𝗛 𝗔 𝗜 𝗟 𝗭 | SRB |® (@hailz_srbija)