Чип Тејлор, авторот на култните песни „Wild Thing“ и „Angel of the Morning“, почина вчера на 86-годишна возраст. Тој беше брат на актерот Џон Војт и чичко на холивудската ѕвезда Анџелина Џоли.

Тејлор кој ќе остане запаметен како еден од најголемите музички автори, починал вчера. Причината за смртта сè уште не е соопштена, пренесува „ТМЗ“.

Познатиот текстописец стои зад безвременскиот хит „Wild Thing“, кој го напиша за групата „The Troggs“ во 1960-тите, како и зад баладата „Angel of the Morning“. Освен со пишување, Тејлор успешно се занимаваше и со пеење, а во 1970-тите објави неколку забележителни албуми како „Chip Taylor’s Last Chance“ и „This Side of the Big River“.

Инаку, Чип Тејлор беше неговото уметничко име, додека роден е како Џејмс Весли Војт.