Фудбалерите на Милан го совладаа тимот на Каљари со 1:0 на гостински терен во 18 коло од Серија А. Играчите на Макс Алегри, со големи тешкотии, ја оправдаа улогата на фаворит и успеаја барем привремено да се вратат на врвот на табелата со вечерашниот триумф.

И тоа на препознатливиот начин на Алегри – со минимална победа и без примен гол. Видовме малку во Сардинија во текот на првите 45 минути, само еден обид на домашниот тим кога Палестра шутираше покрај голот.

Почетокот на вториот дел од играта беше обележан со детаљ што го промени натпреварот, се играше 50 минута кога Адриен Рабио се проби по десната страна и му асистираше на Рафаел Леао, а Португалецот ја протна топката зад грбот на Каприле.

Како што е веќе познато, „росонерите“ оваа зима го засили нападот со Никлас Филкруг од Вест хем, кој влезе во игра и дебитираше вечерва, но тоа не го промени ритамот на играта.

По денешната победа, Милан го презема првото место на табелата во италијанскиот шампионат со 38 бода, два повеќе од Интер, кој има натпревар помалку, додека Каљари е на 14 позиција со 18 бода.