ВИДЕО: По трауматичните сведоштва за сексуалните злодела на Мика Алексиќ, Балканот масовно го споделува ова видео од новинарката Јелена Обучина

Кој го следи прегледот на денот на Newsmax Adria веќе е навикнат на острите соопштенија на новинарката и водителка Јелена Обучина. Но, она што го стори вчеравечер остави длабок впечаток кај сите што ја слушаа.

„Јелена на едно место собра сè што нè боли со години. Неколку вистини кои ние како народ ги премолчувавме, некои лаги и навреди кои ги проголтавме, а со цел – зошто жртвите на насилство молчат“, пишуваат корисниците на социјалните мрежи, а пренесува Noizz.rs.

Оваa најава доаѓа веднаш откако во јавноста се појави уште една актерка која претрпела сексуално вознемирување од Мика Алексиќ. Ива Илиќчиќ раскажа како шест години од срам не се осмелувала да прозбори низ каков пекол поминала и колку сила и требала да им признае најпрво на најблиските, а потоа и на другите што и се случило. И Јелена Обучина нè потсети дека оние кои се прашуваат зошто жртвите молчат, треба добро да се прашаат дали имаат право воопшто да кажат нешто.

– Молчиме дури и кога не треба. Затоа, никогаш повеќе не прашувајте ги жртвите зошто молчеле. Немате право на тоа, но поддржете ги да зборуваат, секогаш кога ќе бидат подготвени – вели Обучина на крајот од своето соопштение, а снимката веднаш почна да се шири по мрежите, повеќе од која било друга вест во последните 24 часа.

Солидарноста што ја изразија повеќето луѓе на социјалните мрежи, пред сè со Милена Радуловиќ, која ја започна страшната приказна за злоупотребата што потресе дел од учениците во училиштето за глума на Мика Алексиќ, е неверојатна. И ова видео треба да биде предупредување и потсетување за сите оние кои бараат оправдување за напаѓачите.

Погледнете го обраќањето:

 

View this post on Instagram

 

A post shared by Nova.rs portal (@nova.rs_portal)

Извор: Noizz.rs

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот