Низ децениите, песната „Памтим само сретне дане“ стана неизоставен дел од музичката историја на овие простори, а воедно и симбол на нежната сила и префинетата емоција што ја носи Габи Новак.

Песната ја напишале двајца великани – Кемал Монтено и Арсен Дедиќ, а е создадена, како што е откриено подоцна, речиси случајно во интимна, домашна атмосфера.

– Таа песна настана случајно – се присети во една прилика Кемал Монтено.

Потоа раскажа како се родила идејата за песната и нејзиниот текст.

– Дојдов кај Арсен, а во тоа време кај него не смееше да се пуши. Тој веднаш ќе речеше: „Габи, отвори го прозорецот! Еве го Кемо!“ А Габи едвај чека да дојдам, бидејќи и таа пуши, а не смее од него – се присети Монетено.

Арсен, познат по своите навики, рекол дека ќе прилегне, оставајќи ги Габи и Кемал сами во дневната соба.

– Габи ми стави кафе, а Арсен ми дофрли: „Погледни го овој текст.“ Јас ја зедов гитарата, Габи, јас, кафето и цигарата – и додека Арсен спиеше, ние направивме музика – рече музичарот.

Така, во таа едноставна и топла атмосфера, родена е песна што ќе стане безвременска. Гласот на Габи Новак ѝ даде душа, а текстот и мелодијата се преточија во чувство што дури и денес, години подоцна, евоцира спомени, солзи и насмевки.

„Памтим само сретне дане“ не е само песна – тоа е емотивен запис за една ера, љубов, пријателство и уметност во нивната најчиста форма. И најмногу од сè – тоа е песна на Габи Новак.

 

View this post on Instagram

 

A post shared by naj_portal (@najportal)