ВИДЕО | Пензионер влетал со своето Ферари во дуќан полн со клиенти: „Мислевме дека е бомба!“
Празничното расположение на улиците на Андора, малата мирна земја сместена на Пиринеите меѓу Франција и Шпанија, го наруши еден необичен настан кој ги шокираше божиќните купувачи.
Имено, во парохијата Sant Julià de Lòria, среде бел ден, црвено Ferrari 512 TR на ужас на сите удрило во еден од уличните прозорци. Возилото го управувал 82-годишен пензионер.
Un Ferrari descontrolat s'encasta a la façana del River https://t.co/zytD62wzO9 pic.twitter.com/Ej1Ww2mLQ5
— Diari d'Andorra (@diariandorra) December 23, 2021
Локалните медиуми јавуваат дека италијанското возило со голема брзина поминувало покрај трговскиот центар, удрило во бариерата на патот, преминало неколку ленти и се удрило во големиот излог. Се верува дека брзината била главен фактор за несреќата, а во тек е полициска истрага.
Според првични информации, наводно возачот имал потрес на мозокот, а тој веднаш по ударот е пренесен во локалната болница.
Црвеното Ферари претрпе голема штета со целосно уништен преден дел.