На 25 февруари се одржа 30. доделување на филмските награди на Здружението на филмските актери – САГ, на кое беа доделени признанија за одличноста на професионалците од филмската и телевизиската индустрија. Свечената церемонија се одржа во салата „Шрајн аудиториум“ во Лос Анџелес, САД.

Меѓу наградените беше и Педро Паскал, актерот кој ги освои срцата на многу дами ширум светот. Тој ја доби престижната награда за извонредна машка улога во серијата „Последниот од нас“.

Педро се качи на сцената да ја прими награда и направи шоу откако призна дека е пијан. Имено, тој не очекувал дека ќе победи, па се опуштил и испил текила пред да се појави на сцената.

„Ова не е во ред поради повеќе причини. Малку сум пијан, мислев дека можам да се напијам. Правам будала од себе, но ви благодарам многу за ова! Во синдикатот сум од 1999 година , така што ова е неверојатна чест. Им благодариме на номинираните, на сите вас. Не можам да се сетам на ниту едно име во моментов“, рекол тој и се насмевнал.

Тој се заблагодари на своето семејство и додаде: „Ќе доживеам напад на паника, мора да заминам“.

Откако се симнал од сцената, Педро му рекол на Тан Франс дека не се сеќава што рекол и дека ќе се гледа себеси на Јутјуб.

Инаку, „Последниот од нас“ е американска пост-апокалиптична драма телевизиска серија базирана на истоимената видео игра од 2013 година. Серијата беше најавена во март 2020 година, а дејството се случува 20 години по уништувањето на модерната цивилизација.

ФОТО | Доделени наградите САГ: „Опенхајмер“ – најголем победник на вечерта

ВИДЕО | Со емотивен говор познатата актерка му оддаде почест на Метју Пери на наградите САГ