Панамските власти вчера објавија дека заплениле 12 тони кокаин – рекордна количина во историјата на земјата – во операција спроведена во Тихиот Океан, пренесува Њузрум Панама.

Според обвинителот Хулио Виљареал, операцијата била спроведена во понеделник на брод што тргнал од Колумбија кон САД. Уапсени се десет члена на екипажот, меѓу кои Венецуелци, Еквадорци и Никарагванци.

Според властите, ова е најголемата заплена од 2007 година, кога беа запленети 19 тони кокаин во панамските води во Пацификот, кои минатата година објавија дека заплениле вкупно 124 тони дрога.

ÚLTIMA HORA | Panamá incauta 12 toneladas de cocaína tras interceptar un barco y captura a una decena de extranjeros

La embarcación había salido “de Juradó, Buenaventura”, en Colombia, y se dirigía “hacia México, lo que obviamente genera una ruta a EEUU” https://t.co/RozXRZvma8 pic.twitter.com/UbtDPHcmwm

— AlbertoRodNews (@AlbertoRodNews) November 11, 2025

Панама е центар за трговија со кокаин од Јужна Америка, главно од соседна Колумбија, наменет за САД.

Во последните месеци, неколку латиноамерикански земји се обидоа да ги истакнат своите напори за борба против картелите, во време кога САД распоредија воена сила во регионот со наведена цел борба против трговијата со дрога.

ÚLTIMA HORA | Panamá incauta 12 toneladas de cocaína tras interceptar un barco en aguas del Pacífico y captura a una decena de extranjeros https://t.co/RozXRZvTZG pic.twitter.com/uXFTPRNLsR

— AlbertoRodNews (@AlbertoRodNews) November 11, 2025

Од почетокот на септември, американските сили започнаа воздушни напади во Карибите и Пацификот против бродови за кои се тврди дека им припаѓаат на трговци со дрога. До денес, Вашингтон ја презеде одговорноста за 20 напади во кои загинаа 76 лица, според агенцијата АФП врз основа на податоци од американската влада.

Венецуела ги обвинува САД дека ја користат борбата против нарко картелите како изговор за спроведување операција насочена кон соборување на претседателот Николас Мадуро и запленување на нафтените резерви на земјата.