Жителите на општината Пласница во Кичевско не можат да ја користат водата од јавниот водовод за пиење, готвење и подготовка на храна, откако лабораториската анализа покажала бактериско загадување.

Според надлежните служби, водата во моментов не ги исполнува потребните здравствени стандарди за бактериолошка безбедност, па поради тоа, граѓаните се советуваат да не ја консумираат до завршување на дополнителните проверки.

Во меѓувреме, се утврдува причината за бактериолошката контаминација и за санирање на состојбата во водоводниот систем. По завршувањето на интервенциите, повторно ќе бидат земени мостри за анализа, со цел да се утврди дали водата е повторно безбедна за употреба.

Надлежните апелираат до граѓаните да ги почитуваат препораките и до следното официјално известување да користат алтернативни извори на вода за пиење и подготовка на храна.

За евентуалното укинување на препораката, јавноста ќе биде навремено информирана по добивањето на резултатите од новите анализи.

По епидемијата во Гостивар — бактерии, арсен и сомнежи за водата и во други градови