Кошаркарите на Оклахома го победија Сан Антонио (123:108) на гостински терен и поведоа со 2:1 во во финалето на Западната конференција во НБА лигата.

Спарс го започнаа натпреварот со серија од 15:0, но бранителот на титулата го сврти натпреварот на почетокот на втората четвртина и го задржа тоа водство до полувремето.

Предноста достигна двоцифрен број поени во третата четвртина, а победата на крајот беше убедлива.

Оклахома играше без Џејлен Вилијамс, но клупата даде голем придонес, постигнувајќи 76 поени.

Шеј Гилџес-Александер, кој ја заврши првата четвртина без поени, имаше учинок од 26 поени и 12 асистенции.

Џаред Мекејн додаде 24 поени и четири скокови, Џејлен Вилијамс 18 поени и пет скокови, а Алекс Карусо имаше 15 поени.

Виктор Вембањама го предводеше Сан Антонио со 26 поени, четири скокови, три асистенции и две блокади. Девин Васел реализираше 20 поени и седум скокови, Дирон Фокс 15 поени, седум скокови и шест асистенции, а Стефон Касл 14 поени, седум асистенции и пет скокови.

Четвртиот натпревар е во Тексас, во понеделник (02.00 часот).