ВИДЕО: Нов пораз на ТФТ Скопје во АБА 2 лигата
Денеска македонскиот кошаркарски клуб ТФТ Скопје претрпе пораз на турнирот во Широки во рамките од АБА 2 лигата. Нашиот претставник загуби од црногорската Сутјеска со резултат 74:60.
Првите 10 минути од натпреварот беа најизрамнети во кои двата ривали постигнаа по 17 поени.
Втората четвртина се покажа како кобна за играчите на тренерот Боро Смилковски во која реализираа само седум поени, а противникот даде 20 двоцифрена предност на паузата (37:24).
Кошаркарите од Тафталиџе на стартот од третата четвртина само се доближија до 39:29, но Црногорците направија нова серија од 12:0 за високи „плус 22“ на семафорот (51:29).
Сутјеска ја одржуваше позитивата, а во текот на последната четвртина стигна и до „плус 24“ (72:48).
Во редовите на ТФТ Верц реализираше 19 поени поени (осум скокови, пет асистенции), 12 поени имаше младиот Крстевски (реализираше три тројки во последната четвртина), а двоен број на поени – 11, запиша и Ифеје.
На табелата ТФТ Скопје е на последната 14 позиција со седум бодови, додека Сутјеска е на петтата позиција со девет.