Ненад Димитријевиќ без сомнение се очекува и во иднина да биде еден од главните носители на играта во најдобрата македонска репрезентација.

Новиот доказ дојде од Перм каде што се одржуваа квалификациите за пласман на следното Европско првенство, иако не успеаја на крајот играчите на Александар Тодоров да ја остварат целта.

Членот на шпанскиот клуб Хувентуд беше еден од нашите најдобри кошаркари во Перм, стигна до просек од 18,4 поени по меч, доволно да биде рангиран на осмата позиција на најдобрите стрелци.

Исто така младиот бек кој вчера го прослави 23 роденден, се наоѓа на деветтата позиција во категоријата на најдобри додавачи во овие квалификации. На пет средби (не играше само на првото гостување во Перм, против Русија), запиша 28 асистенции или со просек од 5,6 додавања по натпревар.

Покрај тоа ФИБА ги избра најдобрите 10 потези од шестата рунда, а меѓу нив се наоѓа и неверојатната тројка од пола терен на Димитријевиќ што беше како најава за победата против Италија: