Во 19 коло од најсилното хрватско фудбалско првенство екипата на Славен Белупо ремизираше на гостувањето кај Риека со 2:2.

Веќе во втората минута поведоа играчите на Славен Белупо со голот на македонскиот напаѓач Илија Несторовски по асистенцијата на Исасеги за позитива од 1:0.

За Несторовски ова е петти гол сезонава во хрватскиот шампионат во 15 настап за својот клуб.

Непосредно пред крајот на првиот дел домаќините останаа без играч помалку поради црвениот картон на Мајсторовиќ, но и покрај тоа успеаја да дојдат до израмнување во Ндокит во 66 минута.

Несторовски се пожали на повреда во 74 минута по што беше заменет од Лепињица. Во 82 минута гостите се вратија во минимално водство преку Јагушиќ, но само 180 секунди подоцна домаќините дојдоа до нов погодок кој беше дело на Дантас.

На табелата Славен Белупо е на четвртото место со 27 бодови, еден помалку од третопласираната Риека. На првата позиција е Динамо Загреб со 38 бодови, пред Хајдук Сплит со 37.