Во Црна Гора, во селото Брезна, недалеку од Никшиќ, натпреварот во лежење трае веќе 43 дена, а од 21 натпреварувач на почетокот, останаа само тројца кои се борат за награда од 1000 евра.

Меѓу нив е и 23-годишната Лидија Марковиќ од Никшиќ, која вели дека се чувствува „како вчера да легнала“ и дека на натпреварот дошла да се одмори, пренесува „Индекс.хр“.

Инаку, девојката стана хит откако кажа дека родителите секојдневно доаѓаат кај неа и бараат од неа да се откаже од натпреварувањето. Родителите ѝ понудиле 1.000 евра за да стане, но таа упорно одбивала и им рекла дека ќе стане кога ќе ѝ здосади.

„Не сум тука за тоа, туку за да се победам себеси. Ова е психолошка игра, ова не е само за наградата“, изјавила таа и додала дека парите не се нејзиниот главен мотив. „Дојдоа моите родители и ме молеа да станам и да ми дадат илјада евра, но не. Сакам да победам, одам до крај, затоа дојдов“, изјавила таа.

„Воопшто не е тешко. Сѐ уште не сум одморена и не планирам да станам. Ништо не е тешко. Дојдов овде да се одморам и навистина уживам. Синоќа после полноќ прославивме илјада часа. Почна 43-от ден. Не ми се чини дека лежам толку, немам конкуренција“, изјавила девојката за емисијата „Јутро на прва“ и ги откри правилата на натпреварувањето.

„Сѐ е дозволено, само треба да лежиме. На секои осум часа стануваме, имаме 15 минути пауза. Првата пауза ја користам во 10 часот наутро за да се истуширам, втората во 18 часот. Ја користам паузата за да ја измијам косата, а потоа се враќам во кревет за да ја исушам. Се снаоѓам лежејќи. Паузата по полноќ ја користам за тренинг. Тогаш ја користам можноста што повеќе да трчам“, објасни таа.

Да потсетиме, на годинешниот натпревар се соборени сите досегашни рекорди, поради што натпреварувачите можат да влезат во Гинисовата книга на рекорди.

Инатот како рецепт за победа: Уште тројца натпреварувачи останаа на натпреварот во лежење во Црна Гора

Во Црна Гора се одржува натпревар во лежење: Ќе се излежуваат за награда од 1.000 евра