Најдобрата македонска репрезентација со победа против Естонија од 2-1 ги продолжи натпреварите во новата сезона во Лигата на нациите и остана на првото место во групата „Ц2“.

Во првото полувреме дојдовме во водство со голот на Тричковски, претходно асистираше Спировски до капитенот.

На стартот од вториот дел не внимававме најдобро во одбраната, тоа го казни противникот преку Сапинен за израмнување.

Николов и Ристовски имаа одлични шанси за 2:1, но не ги искористија, а отпорот на Естонците беше скршен во 68. минута кога по центаршут на Елмас, „златната резерва“ Стојановски постигна погодок за конечни 2:1.

Македонија има девет бода и се наоѓа пред Грузија која има шест и пред Ерменија со пет бода. Последното коло ќе се игра на 18 ноември кога нашиот национален тим на неутрален терен во Никозија, Кипар ќе игра со Ерменците.

Ангеловски: Од нас зависи, сакаме на крајот да го освоиме првото место!