ВИДЕО | Музички времеплов: Јован Јованов и Елвир Мекиќ најавија голем концерт во арената „Борис Трајковски“
Елвир Мекиќ и Јован Јованов најавија заеднички концерт во арената „Борис Трајковски“ на 6 јуни.
Препорачано
„На 6 јуни, Јован Јованов, Елвир Мекиќ и нивните пријатели ќе ве вратат во најубавите денови на македонската музика. Со нивниот музички времеплов, хитовите на Јован и Елвир ќе ве потсетат на младоста, а помладите ќе ги запознаат со песни како ‘Итно ми требаш’, ‘Некаде после 2’, ‘Лоша девојка’, ‘Опасно’ и ‘Слаба точка’. Неизбежна ќе биде и песната ‘Адреналин’, која двајцата долгогодишни пријатели и соработници ја промовираа кон крајот на 2025 година“, велат од нивните тимови.
Јованов и Мекиќ се долгогодишни пријатели и музички соработници. Заедно снимија неколку хитови крајот на 90-тите и почетокот на 2000 година. Јован Јованов веќе повеќе од десет години живее во Канада, но редовно доаѓа во Македонија за време на Макфест, бидејќи е дел од организацијата на фестивалот, додека Мекиќ, сѐ уште живее со семејството во Сараево.
Пред неколку дена, по пауза од неколку години, Мекиќ ја претстави новата песна „Дијамант“, со текст од него, а музиката и аранжманот ги потпишува Јован Јованов.
Билетите за концертот во Скопје веќе се пуштени во продажба.
