Жозе Мурињо не успеа да ги задржи емоциите и се расплака за време на минута молк пред натпреварот меѓу Бенфика и Виторија Гимараеш во португалското првенство.

Минута молк беше посветена на неговиот долгогодишен соработник Силвину Лоуро, со кого Мурињо работеше речиси две децении, од 2000 до 2018 година. Лоуро беше тренер на голманите во сите клубови каде што Португалецот остави трага, меѓу кои Порто, Реал Мадрид, Челси, Манчестер Јунајтед и Интер.

Во заедничката соработка освоија дури 23 трофеи, меѓу кои две титули во Лигата на шампионите, три во Премиер лигата, како и трофеи во Лига Европа и Купот на УЕФА.

Jose Mourinho was in tears during the minute of silence in mourning for Silvino Louro.💔

May God have mercy on him and forgive him 😢

pic.twitter.com/u1R51kgekZ

— FCBGavi (@tculer4) March 21, 2026

Кога е натпреварот во прашање, Бенфика оствари сигурна од 3:0. Џанлука Престиани го отвори резултатот во 14. минута, а Вангелис Павлидис зголеми на 2:0 во 55-та минута. Конечните 3:0 беа поставени по автоголот на Бени од редовите на Виторија.