ВИДЕО | Момчето на Арсенал го изненади ПСЖ
Позајмениот фудбалер на Арсенал, младиот Англичанец Фоларин Балогун со гол во последните моменти од натпреварот го донесе тимот на Реимс до бод на гостувањето против лидерот на табелата во француската прва лига, екипита на ПСЖ.
Иако фаворитот ПСЖ поведе во второто полувреме преку Нејмар, работата за домаќинот беше отежната откако Марко Верати доби директен црвен картон во 59 минута.
Тимот на Реимс, кој е во одлична форма, успеа на самиот крај да постигне погодок, токму преку најдобриот стрелец, Балогун.
Ова е 11-ти гол за 21-годишниот Англичанец, кој лани потпиша повеќегодишен договор со тимот на Арсенал, но бидејќи минутажата во лондонскиот клуб му беше ограничена, реши да замине во Франција на позајмица.
Реимс е во одлична форма во последниве натпревари, со што тимот кој неодамна се бореше за опстанок, сега е на 11-тото место.