Украинскиот претседател Володимир Зеленски објави дека разузнавачките служби имаат информации дека Русија подготвува нов масовен напад врз Украина. Тој предупреди дека нападот може да се случи помеѓу Денот на независноста на САД и претстојниот самит на НАТО во Анкара (7 и 8 јули), пишува „Киев индепендент“.

„Имаме разузнавачки информации дека Русите подготвуваат нов масовен напад. Тоа е во духот на Путин – веднаш по Денот на независноста на САД и пред самитот на НАТО во Анкара. Русија сака да предизвика повеќе зло и да убива луѓе. Ве молиме бидете безбедни и обрнете внимание на предупредувањата за опасност од воздух“, рече Зеленски преку социјалните мрежи.

Зеленски, исто така, им се обрати на меѓународните партнери на Украина, повикувајќи ги да не ја одложуваат испораката на ракети за воздушна одбрана.

„Секое одложување со ракети за нашата воздушна одбрана, со ракети за Патриот, чини човечки животи и ја охрабрува Русија да продолжи со борбата“, истакна тој.

Тој изјави дека светот има потребно количество и квалитет на противвоздушна одбрана и дека одлуките на партнерите се потребни за да се заштити животот во Украина.

Наредив 40-дневна кампања да ја принудиме Русија да ја заврши војната, вели Зеленски