Најмалку двајца Палестинци беа убиени во израелскиот напад врз градот Газа денеска, соопштија здравствените службеници. Здравствените работници изјавија дека двајца се убиени во воздушен напад врз група луѓе на патот Омар Ал-Мохтар во центарот на градот на север од енклавата. Неколку други биле ранети, додадоа тие. Израелската армија сè уште не го коментираше инцидентот, јави „Ројтерс“.

Израел постојано извршуваше напади врз Газа по посредништвото на САД со Хамас минатиот октомври, велејќи дека ги таргетира милитантите кои им се закануваат на израелските војници во Газа или на оние вклучени во нападите во 2023 година.

Хамас го обвини Израел за кршење на примирјето, додека Николај Младенов, кој беше назначен од американскиот претседател Доналд Трамп за претставник во Комитетот за мир во Газа, рече дека двете страни го прекршиле договорот.

Израел и Хамас се во ќорсокак во индиректните преговори за спроведување на втората фаза од договорот за прекин на огнот, кој вклучува разоружување на Хамас и повлекување на израелската армија.

Откако прекинот на огнот стапи на сила пред осум месеци, повеќе од 1.060 Палестинци, многу од нив цивили, и четворица израелски војници се убиени во Газа, според бројките од двете страни. Хамас не ги објави своите податоци за бројот на убиени.

И покрај примирјето, убиени 14 луѓе во израелски напад на Јужен Либан