Триесет и едногодишен државјанин на Македонија е повреден откако синоќа бил удрен од автомобил на патот Масвлакте во Ротердам, пишува  холандскиот портал „Хедлајнер“.

Повредениот по несреќата бил свесен и со возило на Итната медицинска помош бил пренесен во болница. Како мерка на претпазливост, на местото на настанот бил повикан и хеликоптер за итна медицинска интервенција.

Холандската полиција го привела 41-годишниот возач, државјанин на Бугарија, кој исто така се здобил со повреди. Неговото возило е одземено за потребите на истрагата.

Истражните органи утврдуваат како дошло до инцидентот и дали претходно меѓу двајцата имало расправија.

Засега не е познато под кои околности дошло до нивниот контакт, ниту што довело до ескалација на настанот.

Гостиварец со возило ја урнал портата од домот на родителите на сопругата, скршил прозорец, па ја натепал