Фудбалерите на Милан остварија победа на затворањето на првото коло во Серија А откако во Џенова ја совладаа Сампдорија со 1:0.

Иако „росонерите“ не се во полн состав, сепак успеаја да дојдат до победата во првото коло и тоа благодарение на Брахим Дијаз. Играчот кој и оваа сезона ќе ја помине во Милан на позајмица, единствениот гол го постигна во деветтата минута по асистенцијата на Калабрија.

Во продолжение од натпреварот и двете екиипи имаа свои шанси, а најдобрите ги пропуштија Раде Круниќ и Анте Ребиќ за Милан, како и Маноло Габијалдини за Сампдорија.