Фудбалерот со македонско потекло, Милан Илоски, беше еден од главните актери во неверојатниот натпревар меѓу Интер Мајами и Филаделфија, кој домаќините го добија со 6-4.

Илоски уште на стартот покажа дека ќе има своја вечер, па со головите во 3. и 10. минута ѝ донесе водство од 2-0 на Филаделфија.

Средбата потоа прерасна во вистинска голеада со дури осум погодоци во првото полувреме. Македонскиот напаѓач својот трет гол го постигна во судиското продолжение од првиот дел, кога израмни на 4-4 и комплетираше хет-трик.

На спротивната страна блескаше и Луис Суарез, кој исто така постигна три гола и беше меѓу најзаслужните за победата на Интер Мајами. Меси натпреварот го заврши со две асистенции, но и со повреда, откако во 73. минута директно замина кон соблекувалната.