ВИДЕО: Марио Балотели доживеа тешка сообраќајна несреќа
Италијанскиот фудбалер Марио Балотели доживеа тешка сообраќајна несреќа во Бреша. Во четвртокот вечерта Балотели помина без посериозни последици, иако сцената од местото на несреќата изгледа страшна.
„Аудито“ кое го управувал фудбалерот било уништено откако тој удрил во бетонски ѕид.
Според првичните информации, Балотели возел со несоодветна брзина кога изгубил контрола над возилото и удрил во ѕидот.
На видеото снимено на местото на несреќата се гледа моментот кога фудбалерот излегол од автомобилот.
🚨‼️ Mario Balotelli was in a car accident in Brescia this evening.
Local police confirmed that the striker refused to take a breathalyzer test.
Thankfully, Balotelli was unhurt, but walked with difficulty after the accident.
— Italian Football News 🇮🇹 (@footitalia1) November 24, 2023
Според информациите нема поголеми повреди, но на видеото се гледа дека тешко оди.
Балотели, чија цела кариера беше проследена со скандали и контроверзи, моментално е фудбалер на турскиот клуб Адана Демирспор, за кој сезонава постигна три гола на пет натпревари.