ВИДЕО: Манџукиќ имаше успешни прегледи, наскоро потпис со Милан!
Според италијанските медиуми Марио Манџукиќ имаше успешни лекарски прегледи и неговиот договор ќе го потпише во текот на утрешниот ден со „росонерите“.
34-годишниот Хрват во денешните утрински часови беше во клиниката „Ла Мадонина“ каде што ги имаше медицинските тестови. Се очекува прво напаѓачот да потпише договор со Милан кој ќе трае до крајот на сезоната.
Автоматски ќе го продолжи договорот за уште една сезона доколку клубот од „Сан Сиро“ се квалификува за Лигата на шампионите.
✅ Medical done for Mario Mandzukic!
?✍?⚫️
? @MilanInter241pic.twitter.com/CAX8Qk0U1L
— SempreMilan (@SempreMilanCom) January 18, 2021
Воедно одредени извори во Италија велат дека ќе заработува 1,8 милион евра годишно. Според „Калчомеркато“ хрватскиот интернационалец ја одбил понудата од четири милиони евра од турскиот Бешикташ.
Потсетување дека поради позитивните тестови на ковид-19, вечерва составот на Стефано Пиоли против Каљари ќе биде без Хакан Чалханоглу, Тео Ернандес, Раде Круниќ и Анте Ребиќ, како и повредениот Исмаел Бенасер, а Леао ќе недостасува поради жолти картони.