Дербито на колото во Премиер лигата меѓу Манчестер Сити и Челси заврши без победник (1-1), а поголема разочараност остана кај „граѓаните“.

Во 42. минута Тијани Рејндерс го отвори резултатот за Челси, а Сити доминираше на теренот. Ерлинг Халанд пропушти неколку одлични шанси, а во еден момент и го погоди стативата, но резултатот остана непроменет.

Во второто полувреме Челси се активираше, имаше шанси и на двете страни, но долго време немаше промена на резултатот. Сè до судиското продолжение, кога Аргентинецот Енцо Фернандез ја погоди мрежата на Донарума и донесе израмнување за „сините“.

Овој резултат им носи радост на навивачите на Челси, но и на оние на Арсенал, кој по ова коло ја зголемува предноста на врвот на табелата. За Манчестер Сити ова е второ реми по ред, откако во минатото коло одиграа 0-0 против Сандерленд.