ВИДЕО: Манчестер сити со пресврт го совлада Лутон во Премиер лигата
Денеска во рамките од 16 коло во Премиер лигата составот на Манчестер сити како гостин триумфираше против Лутон со 2:1.
После првото полувреме водеа домаќините со голот на Адебајо (45+2`) по асистенцијата на Таунсенд.
„Граѓаните“ направија целосен пресврт во вториот дел за само три минути со головите на Силва и Грилиш на кој му асистираше Алварез.
Се одиграа уште два меча, Евертон со головите на Дукуре и Добин го совлада Челси, додека Фулам со 5:0 го декласираше Вест Хем со погодоците на Хименез, Вилијан, Адарабиојо, Вилсон и Карлос Винисиус.
На табелата водечки е Ливерпул со 37 бодови, пред Арсенал кој има 36, следува Астон Вила на третата позиција со 36, а четвртопласиран е Манчестер сити (33).