Денеска во петтото коло од новата сезона во најсилното фудбалско првенство на Узбекистан екипата на Согдиана на домашен терен со 2:2 ремизираше против Коканд 1912.

Водеа домаќините со голот на српскиот интернационалец Мулиќ во 14 минута, а предноста ја зголеми македонскиот репрезентативец Љупче Дориев во 41 минута.

За нашиот напаѓач ова е втор погодок во шампионатот, првиот гол го имаше минатиот месец исто така во нерешен епилог (2:2) на гостувањето против ОКМК.

Дориев го одигра целиот меч, а гостите успеаја во текот на второто полувреме да го избегнат поразот со головите на Гадоев во 50 и Гвазава во 89 минута.

Согдиана и натаму е без триумф, се наоѓа на претпоследното 15 место со два бодови, а во следното коло на гости на 8 април ќе игра против Дин. Самарканд.