Екипата на Вестерло има сериозни амбиции следната година да се врати во најсилната белгиска фудбалска лига.

Во рамките од 12 коло во втората белгиска лига составот на Вестерло славеше со убедливи 1:5 на гостувањето кај Лирс.

23-годишниот напаѓач Ердон Даци (го одигра целиот меч) беше стартер и придонесе во победата со постигнување на вториот погодок на клубот во 56 минута (0:2).

Тоа е веќе петти гол сезонава за македонскиот интернационалец за моментно второ место на листата најдобри стрелци во шампионатот, само еден помалку зад водечкиот Д. Мадернер од редовите на Ваасланд-Беверен.

Моментно на табелата води Вестерло со 27 бодови, 10 повеќе од второпласираниот Ваасланд-Беверен, а на делба на третата позиција со по 16 бодови се Лирс и РВДМ.

Голот на Даци можете да го погледнете на 00:51 мин. од видео записот: