Денеска со почеток од 18.30 часот на стадионот „Шукру Сарачоглу“ во Истанбул најдобрата македонска фудбалска репрезентација ќе игра пријателски натпревар против Турција.

По ремито во Сараево против Босна и Херцеговина (0:0), избраниците на селекторот Гоце Седлоски ќе играат против уште еден национален тим кој ќе учествува на претстојното Светско првенство.

Македонија и Турција се среќаваат по деветти пат, во меѓусебните дуели имаме една победа остварена во контролниот меч одигран на 4 јуни 2006 година на неутралниот терен во Крефелд, Германија, кога славевме со 1:0 со голот на Горан Мазнов.

На последниот одигран меч меѓу овие две репрезентации, исто така во пријателски натпревар во Скопје одигравме без голови (0:0). Уште еден меч заврши реми, во рамките од квалификациите за пласман на Светското првенство 2002, на гости одигравме 3:3.

Пријателски натпревар
31 август 1994
Македонија – Турција 0:02

Пријателски натпревар
30 август 1995
Турција – Македонија 2:1

Квалификации СП 2002
28 март 2001
Македонија – Турција 1:2

6 јуни 2001
Турција – Македонија 3:3

Квалификации ЕП 2004
12 октомври 2002
Македонија – Турција 1:2

11 јуни 2003
Турција – Македонија 3:2

Пријателски натпревар
4 јуни 2006
Турција – Македонија 0:1

Пријателски натпревар
5 јуни 2017
Македонија – Турција 0:0

Турција со Арда Ѓулер ќе ја напаѓа Македонија