ВИДЕО | Лудо танцување, а во позадина се слуша зборот „кокаин“: Финската премиерка на удар поради провокативното видео

Фото: Принтскрин/Твитер/Инстаграм

Финскиот весник „Илталехти“ во средата објави дека во новите видео-снимки објавени на социјалните мрежи, премиерката Сана Марин е видена како се забавува со неколку фински познати личности, меѓу кои и пратеникот Илмари Нурминен и водителот Тини Викстрем.

На снимката што протече, поточно повеќе клипови кои се појавија на инстаграм-приказните и на Твитер, се гледа како Марин лудо танцува со неколку пријатели, а во позадина се слуша како луѓето викаат ‘кокаин’, пренесуваат финските медиуми.

 


Финскиот пратеник Мико Кaрна од Партијата на центарот ја повика премиерката да направи тест за дрога и јавно да ги објави резултатите.

„На народот му е дозволено ова да го очекува од својот премиер“, напиша тој на Твитер.

На прес-конференција во четвртокот наутро, Марин негираше дека користела дрога и рече дека „нема што да крие“, пренесе „Политико“.

– Танцував, пеев, славев, правев легални работи – рекла премиерката и додала дека не пиела многу.

Таа ја коментирал и објавената снимка.

– Верував дека, бидејќи видео-снимките се приватни и објавени на приватен настан, нема да бидат објавени. Лошо е што беа објавени – рекла Марин.

 

View this post on Instagram

 

A post shared by Sanna Marin (@sannamarin)


Снимките предизвикаа мешани реакции на интернет, при што некои критичари ја критикуваат Марин за, како што велат, неодговорното однесување, додека други гледаат потенцијално зголемување на популарноста на 36-годишната премиерка.

Марин беше на удар на критики минатиот декември бидејќи беше во ноќно излегување набргу откако нејзиниот колега од кабинетот беше позитивен на коронавирусот.

Финската премиерка во поинакво светло: Сана Марин во чизми и кожна јакна на рок фестивал

Видео на денот